Esse quid hoc dicam, quod tam mihi dura videntur
strata, neque in lecto pallia nostra sedent,
et vacuus somno noctem, quam longa, peregi,
lassaque versati corporis ossa dolent?

nam, puto, sentirem, siquo temptarer amore.
an subit et tecta callidus arte nocet?
sic erit; haeserunt tenues in corde saggitae,
et possessa ferus pectora versat Amor.

Cedimus, an subitum luctando accendimus ignem?
cedamus! leve fit, quod bene fertur, onus.
vidi ego iactatas mota face crescere flammas
et vidi nullo concutiente mori.

verbera plura ferunt, quam quos iuvat usus aratri,
detractant pressi dum iuga prima boves.
asper equus duris contunditur ora lupatis,
frena minus sentit, quisquis ad arma facit.

acrius invitos multoque ferocius urget
quam qui servitium ferre fatentur Amor.

from Ovid, Amores I. ii

*

I'm a reasonable man get off my case get off my case get off my case